Бүгін - Дүниежүзілік футбол күні

Осылайша, халықаралық қауымдастық көптеген миллиондаған адамдар үшін тек қана ойын емес, өмірінің бөлшегіне айналған спорттың бұл түріне құрмет білдіреді. «Аяқпен ойын» ретінде футбол туралы алғашқы жазбаларды тарихшылар біздің дәуірімізге дейінгі екінші мыңжылдықтағы қытайлық деректерден тапты. Ол Цу Чю деп аталды, оның мағынасы - «аяқпен итеру». Футбол ойнау қытайлық сарбаздарға жақсы физикалық дайындықтарын сақтап тұруға мүмкіндік берді. Бұл ойын алғаш қашан пайда болғанын нақты ешкім білмейді. Кейбіреулер VIII ғасырда Англияда өмір сүрген саксондықтардың жабайы ойыны футболдың пайда болуына негіз салды деп есептейді. Шайқастан кейін олар жауларының шабылған бастарын теуіп ойнаған. Футболды екі жарым мың жылға жуық уақыт бұрын Ежелгі Грецияда да, Римде де ойнады. Грецияда бұл ойын «доп үшін шайқас» деп аталды.