Мұнда жаңбыр жауып, найзағай ойнап, ұйытқыма желдер соғады. Ал республиканың солтүстік аймақтары антициклон тарамдарының ықпалында болып, ауа райы жауын-шашынсыз болады деп күтілуде.
Атап айтқанда, Қостанай, Қызылорда, Маңғыстау, Атырау, таңертең және күндіз Оңтүстік Қазақстан және Қарағанды облыстарының кей жерлерінде 15-20 м/с жылдамдықта жел соғады.
Ақтөбе, Шығыс Қазақстан облыстарының жекелеген аумақтарында 15-20 м/с екпіндегі желдер сақталады, бұршақ түсуі ықтимал.
Таңертең және түнде Солтүстік Қазақстан облысының кей аумақтарында тұман болса, Оңтүстік Қазақстан облысының жекелеген өңірлерінде қатты ыстық күтілуде.
Сондай-ақ синоптиктердің болжауынша бүгін, Қызылорда мен Оңтүстік Қазақстан облыстарының басым бөлігінде, Алматы облысының солтүстік, Ақтөбе облысының оңтүстік өңірінде және Қарағанды облысында жоғары өрт қаупі сақталады.