Бұл туралы Үкімет басшысының баспасөз қызметінен мәлім етті.
Бұл Серік Ахметовтің Үкімет басшысы ретіндегі Ресейге бірінші сапары.
Бағдарламада Премьер-Министрдің Ресей Федерациясының басшылығымен кездесулері жоспарланған.
Келіссөздер барысында сауда-экономикалық саладағы екіжақты қарым-қатынастарды дамыту, сондай-ақ индустриалық-инновациялық сектордағы қазақстан-ресей өзара ықпалдастығын кеңейту мәселелері талқыланады.
Премьер-Министр «Сколково» ғылыми қалашығында болып, инновациялық жобалармен танысып, жаңа технологияларды коммерцияландыру мен әзірлеу орталығы даму қорының басшыларымен кездесетін болады.
Үкімет басшысы жұмыс сапары барысында «Навигациялық-ақпараттық жүйелер» АҚ-ға болып, «ЭРА-ГЛОНАСС» апат кезінде шұғыл әрекет ету жүйесінің таныстырылымына қатысады.