Есімі оңайлықпен айтыла қоймайтын жаңа басшы көпшілік үшін жұмбақ тұлға болып отыр. 59 жастағы бас хатшы Шаньси провинциясында дүниеге келіп, Бейжіңнің үздік оқу ордаларында білім алған. Әкесі де кезінде Мао Цзэдун заманында лауазымды қызметтер атқарған қоғам қайраткері. Десе де Си Циньпин әлемге танымал саясаткерлердің қатарынан емес. Ресми мәліметтерде 1974-ші жылдан бастап компартия қатарында екені ғана айтылады. Біраз уақыт аймақтарда басшылық қызметтер атқарған. Әйелі Қытайдағы ең танымал әншілердің бірі Пэн Лиюань. Ал жалғыз қыздары Гарвард университетінде білім алуда. Блумберг агенттігінің мәліметінше, Циньпиндер әулетінің байлығы миллиондап саналады. Саяси сарапшылар болса, Си Цзиньпин Қытай мен батыс елдерінің арасын біршама жақсартуы тиіс деп жорамалдап отыр.