Бұл туралы Caravan.kz тілшісі хабарлайды.
Бибігүл Дәулетбекқызы өзінің ойын Instagram желісіндегі парақшасында жазған.
«Мынау да шығыпты ғой. Естеріңізде ме, 2019 жылы бұл екі әріпті маған жазып масқара болғаны?! Кімнің есінде?!Ақыры менің оқырмандарым бұны талап жегенінде, кешірім сұрап, парақшасын жауып қашқан жоқ па?! Мені блоктап та тастаған еді!
Бұл ойлады-ау деймін мен бұның екі бұттың арасындағы сөзіне тырқылдап отыра береді деп! Бір кездері Бауыржан Байбекке: «Сіздің командаңызда болу мен үшін бақыт» деген (өз көзіммен көріп, құлағыммен естігенмін), ал әлеуметтік желіде белден төмен анайы сөздер жазып отырған жарбақайды қалайша сайламақсыздар?!
Маңғыстаулықтар! Басқасы басқа, дәл мынаған дауыс берудің қажеті жоқ! Елнұр Бейсенбаев, немене бір кездері өтпей қалған адамдарды жинағансыз?! Мынауың белден төмен сөздерді қазақ қыздарына айтып жүрген ақынсымақ қой! Шығарайын ба жазғанын?!
Ел тағы түтіп жесін!!! Karin Erlan , қане, Жаңа Қазақстандарыңыз!? Сол баяғы түрлер ғой Праймеризден өтпей қалған!», — деп жазды ол.
Желі қолданушыларының журналистің аталған жазбасына қатысты пікірлері қақ жарылған. Олардың бірі депутатқа қолдау көрсетсе, енді «мұндай кандидаттар түспеуі тиіс» деген пікір білдірген.
«Ақшасы кімде бар, солар түсіп жатқан сияқты ғой», «Бибігүл қызым, көрейік кімнің кім екенін, шынымен халыққа ұнап жатса өтер, өтпесе тағы көреміз», «Неге бәріне тиісе бересіз? Қанша жыл осындай сайлауды күтпедік пе? Бәлкім осы жолы халық арасында жүргендер депутат болып қалар? Егер солардың өзі халықты сатып кетсе, тағы көреміз дегендей» деп жазды олар.