БҰҰ-ның жанындағы ҚР өкілі жуырда Қазақстан қосылған Халықаралық пактілердің түпнұсқасына қол қойды
|
БҰҰ-ның жанындағы Қазақстанның тұрақты өкілі Ержан Қазыханов азаматтық және саяси құқықтар жөніндегі Халықаралық пакт мен экономикалық, әлеуметтік және мәдени құқықтар жөніндегі Халықаралық пактілердің түпнұсқасына қол қойды. Бұл туралы KZ-today тілшісіне ҚР СІМ-нің ақпарат және талдау басқармасынан хабарлады. |
Қазақстан аталмыш құжаттарға қараша айының соңында қол қойып, мемлекет басшысының тиісті жарлықтары шықты.
Қол қою салтанаты барысында Қазақстан жағы БҰҰ-ның құқықтық мәселелер жөніндегі кеңсесінің басшылығына халықаралық құжаттарды бекіту барысында олардың мәтініне ұлттық заңнамаларға сәйкес тиісті ескерту түсініктемелер енгізу құқығын сақтап қалатынын хабарлады.
СІМ-нің хабарламасында атап көрсетілгеніндей, республикада адамдардың жынысына, этникалық немесе діни көзқарасына қарамастан адам құқығы мен негізгі бостандықтарын құрметтеуді қамтамасыз етуге баса назар аударылады. Сол себепті халықаралық құжаттарға қол қою - адам құқығы мен бостандығын, демократияны дамытуға бет бұрған Қазақстанның басты бағдарын одан әрі жалғастыру болмақ.
Пікір қалдырыңыз
Пікір қалдыру тіркелген пайдаланушылар ғана мүмкін