Форумды өткізу кезінде екі елдің компаниялары арасында өнеркәсіптің түрлі салалары бойынша бірқатар келісім-шарттар жасалды, соның ішінде фармацевтикалық сала да бар, деп хабарлайды gmpnews.ru.
Қазақстанда жаңа фармацевтикалық өндірістерді салу келісім-шартына Павлодар қаласындағы РОМАТ компаниясының президенті Тұрарбек Рәкіш пен Прагадағы FAVEA Europe компаниясының директоры Давид Клингер қол қойды.
Қазақстанда дәрі-дәрмекті ірі шығарушыларының бірі РОМАТ компаниясы GMP еуропалық стандартының талаптарымен толық сәйкес келетін екі заманауи фармацевтикалық өндірісті салады. Олардың бірі — Семей қаласында инфузиондық қоспалар мен инъекциялық препараттарды өндіру, екіншісі — Павлодар қаласында қатты дәрі-дәрмектерді шығару.
Инвестициялардың жалпы сомасы 37 миллионға жуық еуроны құрайды, бұл ретте жобаларды қаражаттандыруды РОМАТ компаниясы өзіне алады, қалған бөлігі чехиялық банктар мен чехиялық EGAP мемлекеттік сақтандыру компаниясының көмегімен тартылады.