Бұл осыдан бір апта бұрын Дағыстанның Хасаврют қаласындағы атыс. Содырлар өз еркімен берілуге көнбегендіктен арнайы жасақ қару қолдануға мәжбүр болыпты. Екі лаңкес пен солармен бірге болған әйелдің бірден көзі жойылған. Өлтірілгендердің бірі Хамза деген лақап атымен танымал отандасымыз Вадим Кадымов. 26 жастағы Ақтау қаласының тұрғыны осыдан екі жыл бұрын Ресей шекарасынан өткені анықталып отыр. Содан Дағыстанда қалып қойып лаңкестердің жағына өтіпті. Қазір Хамзаға қатысты мәліметтерді Ресейдің құзырлы орындары анықтауда.