«Астана» жүк көліктері арасында КАМАЗ-бен 2-боп аяқтады. Соның нәтижесінде 1-кезеңді бесінші, екінші кезеңді алтыншы боп аяқтаған олар алғашқы 3 кезеңнің қорытындысы бойынша жалпы есепте 6:47.33 уақыт көрсеткішімен бірінші орынға шықты. Оларды ИВЕКА мінген Нидерландия-Белгия, Нидерландия-Италия және Нидерланидия экипаждары өкшелеп келе жатыр. Көшбасшыдан олардың біріншісі — 0.28 секунд, екіншісі — 1,51 минут, үшіншісі 1, 57 минут артта келеді.
Биыл 34-рет ұйымдастырылып отырған бұл дүбірлі дода 14 кезеңнен тұрады. Аргентина мен Чили елдерінің аумағында өтетін бұл жарыстың жалауы 1 қаңтарда көтерілген болатын. Жеңімпаздың есімі 15 қаңтарда белгілі болады. 88 мотоциклист, 32 квадроциклист және 173 жол талғамайтын автомобиль мен 76 жүк көліктері экипаждары арасындағы бұл сайыстың 4-кезеңі бүгін Сан-Хуана мен Чилесито қалалары аралығында өтеді. Онда жол талғамайтын автомобильдер арасында «Қазақстан» экипажы жалпы есепте 124-орында келе жатыр. Олар көш басындағы Польша және Белгия спортшылары Кшиштоф Головчик мен Жан-Марк Фортеннен 10.11.16 уақыт айырмашылығымен артта қалып қойды.
