Бұл туралы ол Instagram желісіндегі парақшасында жазды, — деп хабарлайды Caravan.kz медиа порталы.
"Бейсен достың анасы бақилық болыпты,ағайын!Жаңа естіп жатырмын.Жүрекке жасалған кезекті отаны көтере алмай…
Ана-жүрек шыдамай ұлының қырқына жетпей "ботам-ау" деп баласының артынан кете барды… Алла алдыңыздан жарылқасын,апа! Бейсенмен қоштасқан күні Сізді алғашқы және соңғы рет көргенім екен…
Бақұл болыңыз,алыпты туған асыл АНА", — деп жазды Дана Нұржігіт.
Сонымен қатар, Дана Нұржігіт ғазиз ана туралы естелігі туралы да жазды.
"Өмір бойы ененің қабағына қарап,Бейсендей ұлына "балам" деп емірене алмай өткен ғазиз Ана.
Бейсеннің қонақасында дастархан басында ардагер журналист Тілеуқабыл Мыңжасар ағамыз, "Бейсен әскерге кеткелі жатқанда сборный пунктқа ата-анасы ентігіп жеткен екен дейді.Сөйтсе,ата-әжесінің қолында өскен ұл жолдас балалармен құшақтасып қоштасып, ата-анасына қайырылмай,автобусқа отырып, кетіп те қалыпты" деп күліп айтып отырғанда Зияш апамыз әңгімемізді сырттан тыңдап күлімдеп,
"иә,солай болған" деп,бас изеп тұрғаны әлі көз алдымда. Кібісенің кесірі деген осы ма екен,сірә", — деп жазды тележүргізуші.