Бокс жанкүйерлерінің пікірі екіге бөлінуге Данияр Елеусіновтың әлеуметтік желідегі күтпеген мәлімдемесі себеп болды, деп хабарлайды Caravan.kz медиа порталы.
"Нақты шақырту болып, тиісті жағдайлар жасалса, жазғы ойындарға баруға қарсы емеспін", — деп жазған Данияр Елеусінов.
Ал, бокстан ұлттық құраманың капитаны Асланбек Шымбергенов бұл пікірталасқа қатысты ешқандай пікір білдірген жоқ
Қазақстан бокс федерациясының баспасөз хатшысы Аян Төлеген Италиядағы лицензиялық турнирге Асланбектің баратынын айтып, пікірталасқа қатысты ресми пікір білдірген.
"Италияда өтетін лицензиялық турнирге Шымбергеновтың баратыны сөзсіз. Сол сында өзін қалай көрсететінін байқаймыз. Егер қолынан келмесе орнын басқа боксшы басады", — деді Аян Төлеген.
Бұл тақырып аясында желі қолданушыларының да пікірі қақ жарылды.
"Асланбекті қолдаймыз", "Данияр барғаны дұрыс, Асланбек слабый көрінеді", "Еңбек Асланбектікі, ол өзін басында дәлелдеп тастаған. Токионың да алдында обал жасап Абылайханды алып кетті, тренері мен Сәпиевтің көмегімен", "Данияр барсын, Асланбек нокаутқа түсті ғой", "Асланбек дайындалса мықты боксшы", — деп жазды олар.
