Дауыл Тұщықұдықтағы 24 үйдің шатырын ұшырып әкеткен

Маңғыстау облысында қатты дауыл соғып, тұрғын үйлерге біраз зақым келген. Секундына 25-27 метр жылдамдықпен соққан жел Тұщықұдық ауылындағы жиырма төрт үйдің шатырын ұшырып әкетті. Сондай-ақ он минут бойы үздіксіз ұйытқыған дауылдан екі электр бағаны құлап, байланыс желілері үзілген. Абырой болғандазардап шеккен адам жоқ. Қазір ауылда электр және телефон желілері қалпына келтірілуде.