Қытайдың Хунан телеарнасындағы отандасымыз Димаш Құдайбергенов қатысып жатқан «Singer2017» ән байқауының кестесі белгілі болды. Бұл туралы ҚазАқпарат хабарлайды.
Телеарна сайтындағы мәліметке сәйкес, байқауға қатысушылар жалпы 5 іріктеу кезеңінен өтіп, финалға шығады. Әр іріктеу кезеңінде әншілер 2 айналымнан өнер көрсетеді.
Бүгінде алғашқы кезеңнің екі айналымы өз мәресіне жеткенін ескерсек, Димашты алда әлі 4 үлкен іріктеу кезеңі күтіп тұр. Димаш Құдайбергенов байқаудың екі кереңінде сәтті өнер көрсетіп, қытайды аузына қаратқан болатын.
Төменде отандасымыз өнер көрсететін «Singer2017» ән байқауының кестесін ұсынамыз.
I кезең: 21 және 28 қаңтар.
II кезең: 4 және 11 ақпан.
III кезең: 18 және 25 ақпан.
IV кезең: 4 және 11 наурыз.
V кезең: 18 наурыз, 25 наурыз.
Финал 1, 8 және 15 сәуір күндері өтеді. Байқау әр аптаның сенбі күні Астана уақытымен 20:30-да эфирге шығатынын ескертеміз.
