Димаш Құдайбергенов Қытай жұлдыздарының рейтингінде екі апта бойы қатарынан көш бастап тұр. Бұл туралы оның жеке PR менеджері әрі досы Алпамыс Шәрімов жазды, деп хабарлайды Caravan.kz.
Жұлдыздардың танымалдылығы бойынша жүргізілетін рейтингте әншінің есімінің ғаламторда көп пайдаланылуы, видеоларының көптеп ізделуі, телеарна рейтингі есепке алынады.
“Қытайда әр апта сайын жұлдыздардың (тек әншілер емес, актер, жүргізуші т.б) танымалдылық рейтингісі жарияланады. Ғаламторда есімдерінің көп пайдалануы, ғаламтордағы іздеуі бойынша, әртістің видеоларының көрсетілімі бойынша, телеарнадағы рейтинг т.б есептелінеді.
Назарларыңызға осы аптадағы Қытай танымал жұлдыздарының Топ 10-ы: Димаш екінші апта қатарынан 1 орында!” – деп жазады Шәрімов.