Димаш Құдайбергеннің Астанада өтетін шоу-концертінің билеттерінің бағасы белгілі болды, деп хабарлайды Baq.kz.
Жас әнші Димаштың концерті 27 маусымда елордадағы «Астана Аренада» өтеді.
«Тикетон» сайтының ақпаратынша, билеттер 2000 теңгеден басталады. Ең қымбаты – 10 000 теңге.
3000, 6000 , 7000 және 8000 теңгенің билеттері де бар. Билет құны залдағы орындарға байланысты. Сахнаға жақын жерден орын алғысы келетіндер 8000 мен 10 000 теңгенің билеттерін сатып ала алады.
Қытайдағы «I am singer» байқауында бақ сынаған Димаш Қазақ елін, қазақ әнін әлемге танытты. Отандасымыз кіл мықтылар жиналған ән додасында екінші орын алған еді.