Қайғылы оқиға Мина жазығында болды. Шайтанға 7 тас лақтыруға таласқандар тар жолда сығылысып, соңында бір-бірін таптап өткен. Мүрделер жерде шашылып жатыр. Оны құтқару қызметтері жинап үлгере алар емес. Өлгендер мен жарақат алғандардың саны минут сайын арта түсуде. Меккедегі қайғылы оқиғадан соң еліміздің Сыртқы Істер министрлігі Сауд Арабиясында елшілікпен байланысып, Қазақстаннан барған қажыларды тізімдері бойынша шұғыл тексеруге кіріскен. Әзірше, отандастарымыздың зардап шеккені туралы ақпарат жоқ. Қажылыққа Қазақстаннан 4 мың адам аттанған болатын. Ал бұл Меккедегі алғашқы қайғылы жағдай емес. 10 күн бұрын осы Меккеде қатты дауылдан кран құлап 109 адам опат болған еді.
Loading...