Алғашқы күні оралдықтар 2:4 есебінен ұтылса, екінші матчта да қарымта қайтара алмай, 3:6 есебімен жеңіліс тапты. Бұл турдан кейін «Универсал» 24 ұпаймен қара үзіп кетті. Димитровградтың «Черемшаны» 15 ұпаймен екінші, қоржынында 10-ақ ұпайы бар «Ақжайық» бұрынғысынша үшінші орында келеді.
Биыл негізгі ойыншылары қысқы Азия ойындарында ел намысын қорғайтын «Ақжайық» командасы келесі ойындарын өз айдынында өткізеді. 15-16 қаңтарда «Черемшанды» қабылдаса, 19-20 қаңтарда Ульяновскінің «Волга-2» командасымен күш сынасады. Бұл ойындардан «Ақжайықтың» өз ұпай қорын көбейтуіне толық мүмкіндігі бар.
