ДСМ Қытай мен Америкаға баратын қазақстандықтарды абай болуға шақырды

Астанада өткен баспасөз мәслихатында ҚР Бас мемлекеттік санитарлық дәрігері Жандарбек Бекшин осылай айтты. Оның сөзіне қарағанда, АҚШ-та жедел респираторлық вирустық инфекциялар мен тұмауға шалдыққандардың саны 4-10 есеге өсіп, Бостон мен Нью-Йоркте төтенше жағдай жарияланған. Ұлыбританияда да тұмау өршіп келеді. Сондай-ақ көрші Ресейдің кейбір аймақтарында жедел респираторлық вирустық инфекциялардың қаупі жоғары болып тұр. «Сондықтан біз осы елдерге барып жүрген қазақстандық туристер мен бизнесмендерге аса сақ болуға кеңес береміз», - дейді Ж.Бекшин.