Бұл туралы Білім және ғылым министрлігінің баспасөз қызметі хабарлады.
Хабарламаға сүйенсек, 5 млрд теңгелік грант жұмыссыз жастардың қатысуымен іске асырылатын жобаларды қаржыландыруға жұмсалады.
Министр Аслан Сәрінжіповтің айтуынша, бөлінген қаржы түрлі салада маңызды жобалар ұсынып, іске асыра алатын жастар ұйымдарына беріледі. Нәтижесінде жобаға 8,5 млн жуық жас азаматтарды тарту көзделіп отыр.
«Жоспар бойынша, қаржыны 100-ге жуық жастар ұйымы алады. Олар мәдениет, спорт, мұқтаж жандарға көмектесу, экологияны қорғау салаларында түрлі жобаларды жүзеге асырады. Басқаша айтқанда, ашық конкурс өтеді. Дәл қазіргі таңда қаржылай қолдауды қажет етіп отырған жастар жұмыс істеуге мүмкіндік алады. Яғни, жастарды жұмыспен қамту мәселесі шешіледі», — деді министр.
Грант келесі жылдан бастап, 4 жыл ішінде іске асырылуы тиіс.
