Дүниежүзілік негізгі шикізат биржаларында таяудағы мұнай фьючерсінің құны 0,89-1,21 процентке қымбаттады

27-маусымдағы сауда-саттық қорытындысы бойынша дүниежүзілік негізгі шикізат биржаларында таяудағы мұнай фьючерсінің құны 0,89-1,21 процентке қымбаттады,- делінген "Ирбис" қаржы рыноктары Агенттігінің хабарламасында.

Лондондағы халықаралық мұнай биржасындағы саудада Brent North Sea Crude Oil маркалы мұнайының тамыздық фьючерсінің бағамы 0,89 процентке қымбаттап, әр барреліне 27,30 долларды құрады.

Ал Нью-Йорк тауар биржасында Light Sweet Crude Oil қоспасының 2003-жылдың тамыз айындағы фьючерсінің құны әрбір баррельге шаққанда 1,21 процентке қымбаттап, 29 доллар 36 центті құрады.