Дүниежүзілік негізгі шикізат биржаларында таяудағы мұнай фьючерсінің құны 1,97-2,15 процентке қымбаттады

26-қарашадағы сауда-саттық қорытындысы бойынша IPE шикізат биржасында таяудағы мұнай фьючерсінің құны 1,97 процентке , NYMEX шикізат биржасында 2,15 процентке қымбаттады,- делінген "Ирбис" қаржы рыноктары Агенттігінің хабарламасында.

Лондондағы халықаралық мұнай биржасындағы (IPE) саудада Brent North Sea Crude Oil маркалы мұнайының желтоқсандағы фьючерсінің бағамы әр барреліне 28,48 долларға дейін көтерілді.

Ал Нью-Йорк тауар биржасында (NYMEX) Light Sweet Crude Oil қоспасының желтоқсандағы фьючерсінің құны әрбір баррельге шаққанда 2,15 процентке қымбаттап 30 доллар 41 центті құрады.