деп хабарлады Астана қалалық мәдениет басқармасының баспасөз қызметі.
Еділ Құсайынов көрермендерге бірегей концерттік бағдарлама дайындады. Кеш қонақтарын би ұжымдарының әсем өнері, ұлттық аспаптардың сүйемелдеуімен орындалатын театрландырылған қойылымдар күтіп тұр. Концертте «Мереке», «Алтын Орда», «Бабалар сазы» классикалық күйлері, сондай-ақ этникалық музыканы сүйіп тыңдайтындар үшін жаңа композициялар орындалады.
Шығармашылық кешке танымал композитор Ринат Ғайсин және виртуоз-домбырашы Асылбек Еңсепов сынды Еділ Құсайыновтың достары да қатысады. Концерттің арнайы қонағы — белгілі музыкант, Молдованың халық әртісі Константин Москович.
Еділ Құсайынов — композитор, солист-орындаушы, жетіген, сыбызғы, сазсырнай, қамыс сырнай, шаңқобыз секілді қазақтың көне музыкалық аспаптарында ойнайды. Ол вокалдың сирек кездесетін түрі — көмеймен ән орындайды.
Еділ Құсайынов — Еуропа, АҚШ және Азия елдерінде өткен көптеген халықаралық фестивальдердің қатысушысы. Нью-Йорктің Карнеги-холл, Вашингтондағы Кеннеди-орталығында және Париждегі ЮНЕСКО Залы секілді әйгілі орталықтарда өнер көрсеткен. В 2006 жылы лондондық Альберт холлда және Токиода шығармашылық кешін өткізген.
Еділ Құсайыновтың шығармашылығы — көне заман мен бүгінгінің синтезі. Музыкант фольклор, этно-симфоникалық және этно-джаз, рок-музыка жанрында жұмыс істейді. «Бұлбұл заман» атты жинақтарының біреуін әйгілі Битлз — Эбби роуд студиясында жазған. «Құрақ көрпе», «Келін» және «Аңшы бала» көркем кинокартиналарына жазылған музыкалық туындылардың авторы.
