Көрменің салтанатты ашылуына осынау ойынға әуес ардагерлер, спортшылар және оқушылар қатысты. Тәжірибелі футболшылар жас спортшыларға аға ұрпақ өкілдері қол жеткізген жетістіктерді еселеуге тілектестік білдірді.
«Көрме — кезінде стадиондарды толтыра білген танымал футболшыларымызға көрсетіліп отырған құрмет. Екібастұздықтар турнирлер мен чемпионаттарда бірнеше дүркін тамаша жетістіктерге қол жеткізген. Бүгінде біз жастарымызға үлкен үміт артып отырмыз — секциялар, мамандандырылған футбол мектебі жұмыс істейді, Екібастұз қаласы мен оның іргесіндегі селоларда аула футболы даму үстінде», деді қала әкімінің орынбасары, футбол федерациясының төрағасы Николай Дычко өз сөзінде.
