"Біз есептеулер жасадық. Бүгінгі таңда қаржылық көмек шамамен 891 миллион теңгені құрады. Бұл жұмысты міндетті түрде жалғастырамыз. Жұмыс көлеміне үйдің кіреберісі, пәтерлерді қалыпқа келтіру, кәріз және сумен жабдықтау жүйесі де кіреді", — деді ол.
Басқарма төрағасы жылусыз қалған көпқабатты үйлердің тұрғындары қараша мен желтоқсан айларында жылу энергиясы үшін ақы төлемейтінін жеткізді. Параметрлер азайған, жылытылмаған үйлердің тұрғындары үшін қайта есептеу жоспарлап отыр.
Сонымен қатар, төраға тарифті көтеру мәселесі 2018-2020 жылдары көтерілгенін атап өтті.
"Тарифті көтеру мәселесі апатқа дейін талай рет айтылды. Біз осы мәселе бойынша барлық жерде тарифті көтеру туралы ұсыныс хат жазғанбыз. Осы апатқа дейін тек 600 м құбырды ғана ауыстыра алдық. Жалпы 25-30 шақырым құбырды ауыстыру қажет. Сондықтан мәселе тек тарифті көтерумен шектелмейді. Жөндеу жұмысына және жұмысшылардың жалақысын көтеру үшін қосымша қаржы көзін табу керек", — деді ол.