Екібастұздағы ет комбинатында ірі өрт болды

- Павлодар облысының Екібастұз қаласында «Екібастұз и К» ЖШС ет өңдеу комбинатының бір қабатты ғимаратында өрт шықты. Бұл туралы Төтенше жағдайлар министрлігі мәлімдеді. Дүйсенбі күні өңдеу цехында қаптама өртеніп, шатыр жартылай құлаған. 800 шаршы метрге жайылған өрт төрт сағат ішінде сөндірілді. Ешкім зардап шекпеді.