Ел аумағының басым бөлігінде қар жауып, бұрқасын болады - 15 қарашаға арналған ауа райы болжамы

Қазақстанның оңтүстік-шығысында ғана жауын-шашынсыз ауа райы сақталады, деп хабарлайды Қазгидрометке сілтеме жасаған ТЖМ-нің баспасөз қызметі. Қостанай, Ақмола, Қарағанды облыстарында кейбір жерлерде бұрқасын, көктайғақ болып, желдің 15-20 м/с жылдамдықпен соғуы күтіледі, Қостанай облысының жекелеген аудандарында тұман түсуі ықтимал. Атырау облысында тұман түседі, күндіз кейбір жерлерде желдің 15-20 м/с жылдымдықпен соғуы мүмкін. Жамбыл, Қызылорда, Ақтөбе облыстарында кейбір жерлерде тұман түседі, күндіз 15-20 м/с дейін болатын екпінді жел соғады. Батыс Қазақстан және Оңтүстік Қазақстан облыстарында күндіз кейбір жерлерде желдің күші 15-20 м/с дейін жетеді. Солтүстік Қазақстан, Шығыс Қазақстан облыстарында, түнде Павлодар облысында желдің 15-20 м/с дейін күшеюі, бұрқасынның болуы күтіледі. Алматы облысындағы Алакөл көлдерінің ауданында жел 18-23 м/с дейін күшейеді, түнде кейбір жерлерде тұман түседі. Жақын тәуліктерде Қазақстанның солтүстік, солтүстік-шығыс, орталық және шығыс облыстарының су нысандарында мұз пайда болу процесі жалғасып, осыған байланысты республика шығысының жекелеген өзендерінде су деңгейлерінің көтерілуі мүмкін. Республиканың қалған бөлігіндегі көптеген өзендерде су бетінің бірте-бірте салқындауы байқалады. Оңтүстік Қазақстан облысының жекелеген таулы өзендерінде күтіліп отырған жауын-шашындарға байланысты су деңгейінің көтерілуі мүмкін.