Ойын нәтижесі бойынша астаналықтар қарсыластарын 3:2 есебімен тізе бүктірді.
Атап айтқанда, қазақстандық хоккей командасының ҚХЛ-дағы осы маңызды әрі шешуші бұл ойынын жанкүйерлермен бірге Елбасы Нұрсұлтан Назарбаев тамашалады.
Естеріңізге сала кетейік, бұған дейін өткен аптада плей-офф сериясы тұрғысында екі ойынды қатарынан қарсыластар Магнитогорскіде өткізген болатын. Бірінші матчта магнитогорлықтар басым түссе, екінші күнгі кездесуде олар астаналықтарға жол берді.
Енді кешегі үшінші ойын нәтижесі бойынша «Барыс» хоккейшілері «Металлургтен» ҚХЛ-дың плей-офф тартысы сериясындағы есепте 2:1 болып алда келе жатыр.
Айта кетейік, қос команданың төртінші тартысты додасы бүгін елордадағы «Қазақстан» спорт сарайында өтеді.
