Елшілерден сенім грамоталарын қабылдағаннан кейін Мемлекет басшысы оларды Қазақстандағы дипломатиялық қызметтерінің ресми басталуымен құттықтай келе табыстар мен игіліктер тіледі.
«Қазақстан әлемдік қауымдастықта лайықты орын алған мемлекет. Оны сіздер білесіздер. Біз дипломатиялық қарым-қатынас орнатқан барлық мемлекеттермен, соның ішінде сіздердің елдермен тату-тәтті, тең құқылы әріптес ретінде жемісті жұмыс істеп, біздің мемлекет пен сіздердің елдердің арасындағы байланыстарды нығайтып келеміз. Мемлекеттер арасындағы ынтымақтастық пен достық қарым-қатынастар елшілердің жұмысына да тікелей байланысты. Осы ретте мен сіздердің Қазақстандағы дипломатиялық қызметтеріңіздің табысты болатынына сенімдімін», — деді президент.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті