Елбасы мен мәжіліс депутаты М.Көпейдің кездесуінде Ұлы Отан соғысы жеңісінің 60 жылдық мерейтойы қарсаңында "Ардагерлер туралы" заң жобасын қарау мүмкіндіктері талқыланды

Елбасы Нұрсұлтан Назарбаев кеше, 8-маусымда парламент мәжілісі төрағасының орынбасары Мұхамбет Көпейді қабылдады. Бұл туралы KZ-today тілшісіне ҚР президенті әкімшілігінің баспасөз қызметінен хабарлады.

Мәжіліс депутаты Елбасына парламенттің төменгі палатасының ағымдағы заң жобаларын талқылау барысы туралы әңгімелеп берді. Кездесу барысында сондай-ақ, Ұлы Отан соғысы жеңісінің 60 жылдық мерейтойы қарсаңында «Ардагерлер туралы» заң жобасын қарау мүмкіндіктері талқыланды.

Елбасы сондай-ақ, мәжіліс депутаты Серік Әбдірахмановты қабылдады. Тараптар ауылдағы ахуал туралы және ағымдағы қоғамдық-саяси проблемалар туралы сарапқа салды.