Елбасы Ресейдегі ұшақ апаттарынан қаза тапқандардың туыс-туғандарына көңіл айтты

Бүгін Елбасы Нұрсұлтан Назарбаев ондаған адамдардың өмірін қиған ұшақ апаттарына байланысты Ресей Федерациясының Президенті Владимир Путинге көңіл айтып жеделхат жолдады, деп хабарлайды президенттің баспасөз қызметі.

Нұрсұлтан Назарбаев Қазақстан халқының және жеке өзінің атынан қаза болғандардың туыстары мен жақындарына қайғырып көңіл айтты.

Бұдан бұрын да хабарлағанымыздай, тамыздың 24-інен 25-іне қараған түні Ресейдің оңтүстігінде екі бірдей ұшақ апатқа ұшырады. Домодедово әуежайынан ұшып шыққан екі ұшақ біраз уақыттан кейін радар экранынан жоғалып кетті.
Ту-134 пен Ту-154 ұшақтарының апатынан 90 адам мерт болды. Ресейде осыған байланысты 26-тамыз — қаралы күн деп жарияланды.