Елбасы Семей тұрғындарымен жүздесті

Қаланың орталық алаңындағы президентпен кездесуге студенттер, соғыс ардагерлері, кәсіпорындар мен ұйым қызметкерлері келді.

Мемлекет басшысы Семейліктерге жылы шыраймен қабылдағаны үшін ризашылық білдірді. «Шығыс Қазақстан облысына жұмыс сапарымды Семейден бастауымның өзіндік себебі бар. Өйткені мен Семейді ұнатамын»,- деп ағынан жарылды президент.
Мемлекет басшысы Семейдің күн өткен сайын көріктене түскенін, кәсіпкерліктің қарқынды дамып, кәсіпорындар санының арта түскенін атап өтті.
«Халықтың көңіл-күйі жаппай көтеріңкі»,- деді ол.
«Еліміздегі жақсылық атаулының бәрі, экономиканың өсімі мен реформалар — саяси тұрақтылықтың, әрбір адамның бір-біріне деген құрметінің жемісі. Бұл қасиеттердің барлығын сақтап қалуға тырысу керек. Сонда ғана олар тіршілікті жақсартуға және елдің одан әрі өсіп-өркендеуіне қызмет ететін болады»,- деді президент. Қазақстан аймақ елдеріне тұрақтылық пен экономикалық өсім үлгісі болмақ,- деді Н.Назарбаев.