Үш тілде оқуды алдымен халықаралық мектептер мен арнайы лицейдің 7-8 сынып оқушылары бастайды. Кейін қалған білім ошақтары да біртіндеп жаңа жүйеге ауыспақ. Мақтауы асырылған жоба іске асса ұл-қыздар информатика, физика, химия, биология секілді күрделі пәндерді тек ағылшынша оқитын болады. Бұл білімді ұрпақ тәрбиелеуге септігін тигізеді дейді жауаптылар. Бірақ оқушыларға сабақ беру үшін алдымен ұстаздарды жаппай ағылшын тіліне үйрету қажет. Түрлі пікір тудырған бастаманы қолға алушылар бұл мәселені де шешіп қойыпты. Яғни, шет тілінде сабақ беруге «Болашақ» бағдарламасының түлектерін тартпақ. Бірақ, әлемдік университетті бітіріп келгендер жалақысы мардымсыз ұстаздық қызметке келісе ме, жоқ па белгісіз.
Мәриям Мұқатова, Ы.Алтынсарин атындағы Ұлттық білім академиясының вице-президенті:
—Жаңа жүйені бақылап, іске асыру үшін үш тілде білім беру орталығы құрылады. Осы мекеме барлығын бақылап, ағылшын тілін мектепке енгізеді. Барлығы сәтті болса, ұлттық біріңғай тестілеуді де қиындатуды ойластырып отырмыз.
