Ащы суға қарсы бұлай қатаң шара қолдануымыздың себебі де бар. Өйткені қазір Қазақстан Орта Азия бойынша арақ ішуден көш бастап тұр. Еліміздегі әр адам жылына орташа есеппен 5 жарым литр таза этил спиртін сіміріп салады екен. Енді жаңа заң бойныша 21 жасқа толмағандарға алкоголь өнімін сатқан кәсіпкер әкімшілік жауапқа тартылып, ірі көлемде айыппұл төлейді. Сондай-ақ, бұдан-былай балабақша, мектеп, денсаулық сақтау мекемелері мен стадион және жанармай құю бекеттерінің аумағында шарап мүлдем сатылмауы тиіс. Бұл тыйымның бәрі құрамындағы спирті 30 градустан жоғары ішімдіктерге ғана қатысты. Сондай-ақ уақытпен арақ-шарап сатудың дәмхана, мейрамханаларға емес, тек дүкендерге қатысты екенін айта кетейік.