Елімізде Балхаштағы экологиялық тауқыметтерді шешуге арналған халықаралық жиын өтеді

2005-жылғы күзде Қазақстанда Балхаш көліндегі экологиялық тауқыметтерді шешуге арналған халықаралық жиын өтеді. Бұл туралы бүгін, 11-наурызда Солтүстік Атлантикалық Одақтың Парламенттік ассамблеясы өкілдерімен кездесуде ҚР қоршаған ортаны қорғау министрі Айткүл Самақова құлағдар етті,- деп хабарлайды KZ-today тілшісі Астанадан.

Конференцияда Балхаштағы экологиялық проблемаларды шешу жөніндегі мемлекеттік бағдарламаны жүзеге асыру нәтижелері қаралады, деді А.Самақова.

Осы тақырыптағы тұңғыш бас қосуды ҚР қоршаған ортаны қорғау министрлігі «Табиғат» экологиялық одағымен бірлесе отырып 2001-жылы ұйымдастырған. Сол бас қосудың қорытындысы бойынша республика үкіметі Балхаштағы экологиялық ахуалды жақсарту жөніндегі мемлекеттік бағдарламаны қабылдады.