«Бүгінде елімізде иондаушы сәуле шашатын 40 мың көз бар, сондай-ақ, дәл осыншасы анықталып көмілді. Бұлардың басым бөлігі қолданыстан шығып қалған әлсіз көздер»,- деді Т.Жантикин.
Агенттік төрағасының ақпаратына сәйкес, 1-қаңтарда Қазақстанда иондаушы сәуле көздерінің ұлттық регистрі ашылған. «Денсаулық сақтау министрлігімен бірлесіп біршама күрделі жұмыстар атқарылды. Біз алғаш рет иондаушы сәуле көздерін легализацияладық»,- деді ол.
«Регистр құру — осы бағыттағы алғашқы қажетті қадам. Қазір бізде иондаушы көздерді есепке алу жүйесі жұмыс істейді. Басқаша айтқанда, елімізге енгізілетін немесе елімізде өндірілетін барлық көздер есепке алынып, ел аумағында көму немесе экспорттау жолымен жойылғанға дейін қадағалауда болады»,- деді Т.Жантикин.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
