Елімізде күші 2-3 балл жер сілкінісі болды

16-тамызда Астана уақытымен 23 сағат 21 минутта Қазақстан аумағында күші 2-3 балл жер сілкінісі болды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Министрліктің түсініктемесіне сәйкес, жер сілкінісінің ошағы Алматыдан шығысқа қарай 45 шақырым жерде болған. Алматыда 2 балл, Есікте 3 балл шамасында жер асты дүмпулері сезілді. Зардап шеккендер мен қирап-бүліну туралы ақпарат келіп түскен жоқ.