Студенттердің білім алуына арнап несие беру жүйесін дамыту жөніндегі мемлекеттік бағдарламаны жүзеге асыру үшін алдағы бес жылда республикалық бюджеттен қосымша 2 млрд. теңге бөлінеді, деді Н.Назарбаев. 2005-жылы бұл мақсатқа 600 млн. теңге жұмсалмақшы.
Сондай-ақ, шетелдерде студенттерді оқытуға арналған гранттар саны ұлғайтылады. «Дүниежүзінің ең таңдаулы жоғары оқу орындарында оқыту үшін жыл сайын 3 мың үздік студентке «Болашақ» бағдарламасы бойынша шәкіртақы тағайындалады»,- деді Н.Назарбаев. Бұған дейін бұл бағдарлама бойынша 500 студент оқытылып келген.
Мемлекет басшысы жеке меншік секторды білім беру жүйесін дамыту ісінде мемлекетке қолдау көрсетуге шақырды.