Елімізде тағы ақылы жолдар пайда болады

Астанадан Атбасарға немесе Шымкенттен Қызылорданы бетке алған жүргізушілер енді жол азабынан құтылуы тиіс. Себебі ақылы болған соң сапа да соған сай болуы керек. Ал ақылы қызмет 2016 жылы кезең-кезеңімен енгізілмек. Инвестиция және даму министрлігі ол үшін арнайы серіктестік те құрмақшы. Компания әрлі-берлі қатынағандардан ақша жинап, жолдың  сапасын бақылап отырады. Құнның әзірге қанша болары белгісіз. Бүгінде елімізде осындай бір ғана ақылы жол бар. Ол Астана-Шучинск. Мұнда әр жеңіл көліктен 200 теңге алынады.