Еліміздегі екінші деңгейлі банктердің жалпы активі маусым айында 3,8%-ке, жалпы капиталы 3,5%-ке артты

Ұлттық банк мәліметтеріне сәйкес, 2003-жылдың 1-шілдесіндегі жағдаймен коммерциялық банктердің несиелік қоржынындағы стандарттық несиелер көлемі 68,6%-ті, күдікті несиелер 29,2%-ті, үмітсіз несиелер 2,2%-ті құрады. Есепті мерзімде еліміздің екінші деңгейлі банктері 16 млрд. теңге көлеміндегі таза пайда тапты. Өткен жылғы осы мерзімде бұл көрсеткіш 10,3 млрд. теңгені құраған болатын.

Елімізде қазіргі таңда 35 банк жұмыс істейді, соның ішінде мемлекеттік -2 , шетелдердің қатысуымен (соның ішінде резидент емес банктердің құрылымдық банктерін қоса есептегенде) 16 банк жұмыс істейді.