Қазақстанда 2016 жылдың қазан айында ескі көліктердің орнына сертификат беру бағдарламасын жүзеге асыру жоспарланып отыр.Kolesa.kz тілшілері бұл жобаның мән-жайын білді, деп хабарлайды tengrinews.kz
Алдын ала мәлімет бойынша, бұл бағдарлама екі кезеңге бөлінеді. Бірінші кезеңі 2016 жылдың қазан айынан бастап 2016 жылдың 31 желтоқсанына дейін жалғасады. Бұл кезде тек жеңіл көліктер қабылданатын болады. Ал бағдарламаның екінші кезеңінде, яғни 2017 жылдың 1 қаңтарынан 2021 жылдың 31 желтоқсанына дейін автобустар, шағын автобустар және жүк көліктері қабылданатын болады.
Айта кетейік, бұл жобаға қатысушылардың көліктерді кем дегенде алты ай уақыт қолданыста болуы керек.
Басылымның мәліметінше, көлікке мынандай талаптар қойылады:
1. шанақ (шасси);
2. есіктер;
3. капот, жүксалғыштың қақпағы;
4. қозғалтқыш;
5. радиатор;
6. беріліс қорабы;
7. аккумулятор;
8. дөңгелектері;
9. аспап-құралдар панелі;
10. орындықтар.
Осы жағдайда ғана көлік иелері 315 мың теңге көлемінде төлемақы ала алады. Айта кетейік, әзірше жобаның екінші кезеңінде жүк көліктері мен автобустардың қалай бағаланатыны айтылмады.Сондай-ақ, сертификаттардың саны шектеусіз екені айтылады. Ең қызығы, сертификаттарды сатуға және басқа бір адамға қолдануға беруге мүмкіндік бар. Тек оны өз атына тіркеуі қажет екен.
