Еліміздегі ВИЧ/СПИД індетіне шалдығу көрсеткіші 2003-жылы әрбір 100 мың тұрғынға шаққанда 5,03 оқиғаны құрады

Еліміздегі ВИЧ/СПИД індетіне шалдығу көрсеткіші 2003-жылы әрбір 100 мың тұрғынға шаққанда 5,03 оқиғаны құраса, 2002-жылы әрбір 100 мың тұрғынға шаққанда 4 оқиға тіркелген болатын. Бұл туралы бүгін, 19-қаңтарда мәжілістегі "үкімет сағатында" сөз сөйлеген ҚР денсаулық сақтау министрі Жақсылық Досқалиев хабарлады.

«Соңғы жылдарда індетке шалдығу қарқыны анағұрлым азайғанымен еліміздегі жалпы ВИЧ/СПИД-ке шалдыққандар көрсеткішінің арту ағымы сақталып отыр»,- деді Ж.Досқалиев.

Министрдің хабарлауынша, қазір елімізде шамамен ВИЧ-індетіне шалдыққан 3,5 мың адам тіркелген.
ҚР денсаулық сақтау министрі елімізде 2001-2005-жылдарға арналған СПИД індетіне қарсы күрес жөніндегі мемлекеттік бағдарламасы жүзеге асырылып жатқанын, үкіметтің жанында СПИД-пен күрес жөніндегі үйлестіру кеңесі құрылғанын ескертті.
«Мәселенің шешімін жалпыұлттық деңгейге көтеру соңғы кезеңде оның таралу қарқынын бәсеңдетуге жол ашты»,- деді Ж.Досқалиев.