Еліміздің оңтүстік бөлігінде 2-3 баллдық жер асты дүмпулері сезілді

Тараз қаласы мен Жамбыл облысының Мерке ауылында 2-3 баллдық жер асты дүмпулері сезілді. Құрбан болғандар мен зардап шеккендер туралы ақпарат жоқ. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

ҚР ҰҒА сейсмология институтының мәліметі бойынша, 12 энергетикалық классқа жататын жер сілкінісі 16-қаңтарда 16 сағат 28 минутта Қырғызстан аумағында болды. Жер сілкінісінің кіндігі Алматыдан оңтүстік-батысқа қарай 375 шақырымда солтүстік ендіктің 41 градус 44 минуты мен шығыс бойлықтың 72 градус 48 минутында болды.