Еліміздің оңтүстік бөлігінде көшкін түсу қаупі сақталып отыр

Нөсер жаңбырға және тау баурайларындағы қардың тұрақсыздығына байланысты Алматы, Жамбыл және Оңтүстік Қазақстан облысының таулы аудандарында 15-16-наурызда көшкін түсу қаупі сақталып отыр. Бұл туралы "Казгидромет" РМК-ның хабарламасына сілтеме жасай отырып ҚР төтенше жағдайлар жөніндегі Агенттігінің Республикалық дағдарыс орталығынан ескерту жариялады.

Сондай-ақ күн райын бақылаушылардың мәліметіне сәйкес, 15-наурызда нөсерге байланысты Алматы, Жамбыл және Оңтүстік Қазақстан облысының тау өзендерінде су деңгейі көтеріледі. «Су деңгейі қауіпті көрсеткішке жетуі де ықтимал»,- дейді Қазгидромет.