Елордада Challenger ATP PRESIDENTS CUP сериялы халықаралық турнир басталды

Бүгін елордада жүлде қоры 125 мың АҚШ долларын құрайтын Challenger ATP PRESIDENTS CUP сериялы халықаралық турнир басталды. Бұл ақпаратты еліміздің Теннис федерациясының баспасөз қызметінен хабарлады.

«Дәулет» ұлттық теннис орталығында басталған байрақты бәсеке 7 қарашаға дейін жалғасады. Жеке разрядтағы жартылай финал мен жұптық разрядтағы финал 6 қарашада, ал жеке разрядтағы ақтық бәсеке ойындары 7 қарашада өтеді.