Елордада Эстония Республикасының Елшілігі өз жұмысын бастады
|
Елордада Эстония Республикасының Елшілігі өз жұмысын бастады. Бұл туралы бүгін елордада ҚР Сыртқы істер министрлігінің баспасөз хатшысы Ілияс Омаров мәлім етті. |
«Астанада Эстония Республикасының Елшілігі өз жұмысын бастады. Эстония істерінің уақытша сенімді өкілі болып Маргус Солнсен тағайындалды», - деді ол.
Оның атап өтуінше, Эстония Елшілігі саяси-экономикалық қарым-қатынасты қолдап, Қазақстан Республикасының азаматтарына консульдық қызметтер көрсетпек.
Сонымен қатар І.Омаровтың айтуынша, 28 шілде күні елордада Эстония істерінің уақытша сенімді өкілі Маргус Солнсен бұқаралық ақпарат өкілдеріне арнайы брифинг өткізеді.
Пікір қалдырыңыз
Пікір қалдыру тіркелген пайдаланушылар ғана мүмкін