«2011 жылдың 19 шілдесінде, сағат 05.00-де Астана қ. ІІД-нің жедел басқару орталығына кәмелеттік жасқа толмаған 1993 жылы туған «К» есімді азаматтың «оқ жарақатынан көз алмасының мылжаланып, ішкі қабығына түсуі» диагнозымен 2 қалалық ауруханаға жеткізілгені туралы хабарлама келіп түскен. Жәбірленуші Республика даңғылы мен Иманов көшесінің қиылысында орналасқан «Маэстро» дәмханасының жанында белгісіз тұлға атқан оқтан жарақат алған.
Астана қ. Сарыарқа ауданы ІІБ-ның қызметкерлері жедел-іздестіру шараларын жүргізу барысында 1985 жылы туған «А» есімді азаматты ұстап, айғақ заттарды тәркілеген. Жауап алу барысында айыпталушы кінәсін мойындады. Ол газды қарумен оқ жарақатын келтірудің себебі ретінде осы мекемеде белгісіз жігіттермен болған төбелесті атаған.
«Күдікті ұсталып, Астана қ. ІІД-нің Уақытша ұстау орнына қамалды. Осы іс бойынша ҚР ҚК-нің 257-бабының 3-бөлімі бойынша қылмыстық іс қозғалды»,- делінген баспасөз хабарламасында.
