Елордада полицияның 316 қоғамдық көмекшісі марапатталады
|
Елорданың ішкі істер департаменті қалалық әкімдіктің қолдауымен тоқсан сайын қоғамдық тәртіпті сақтауды қамтамасыз етіп, қылмыстың ашылуына қол ұшын беретін азаматтарды марапаттайды. Бұл туралы Астана қаласының ресми сайты ІІД баспасөз қызметіне сілтеме жасап хабарлады. |
«2012 жылдың төртінші тоқсанының қорытындысы бойынша полицияның 316 қоғамдық көмекшісі әрқайсысы 15 мың теңгеден ақшалай сыйлыққа ие болды.
Олардың 62-сі шұғыл-жастар отрядының студенті, 87-сі мемлекеттік емес құрылымдардың күзетшілері, 20-сы полиция бөлімшесі жанындағы ІІБ ардагерлері және 147-сі консьерждер», - делінген хабарламада.
Ведомствоның мәліметі бойынша, жыл басынан бері полицияның қоғамдық көмекшілерінің көмегімен 153 қылмыс ашылып, 8 291 құқық бұзушы әкімшілік жауапкершілікке тартылды.
Пікір қалдырыңыз
Пікір қалдыру тіркелген пайдаланушылар ғана мүмкін