Елордада жүк лифтісі құлап, 3 адам зардап шекті- ТЖМ

Елордада жүк лифтісі құлап, 3 адам зардап шекті, деп хабарлады ҚР ТЖМ баспасөз қызметінен. Ведомствоның атап өтуінше, Есіл ауданында орналасқан «Солтүстік шұғыласы» тұрғын үй кешенінде жүк лифтісі 4-тен 2-ші қабатқа құлаған. Нәтижесінде лифт ішінде болған 3 адам зардап шеккен, оның бірі 3 жастағы сәби. Барлық зардап шеккендер ауруханада медициналық тексеруден өткеннен кейін үйлеріне қайтарылды.