Оның ішінде біреуінің жағдайы ауыр, деп хабарлайды Stan.kz ақпарат агенттігі.
Алматы қалалық жедел шұғыл көмек көрсету ауруханасына жеткізілген жолаушылар түрлі жарақаттар алған.
«Оқиға орнынан жедел жәрдем арқылы он екі адам жеткізілді. Барлығы ауруханаға жатқызылды. Барлығының жағдайы орташа. Оның ішінде бір науқастың жағдайы ауыр. Балтыр сүйектерінің сынуы және бас-ми шайқалуы бар. Қазір отаға дайындап жатыр. Науқастар көбіне аяқ-қол сүйектерінің сынуы, соғылуы, бас-ми шайқалуы негізінде жарақат алған. Барлығының жағдайларына байланысты ауруханада екі және он күнге дейін жатқызылуы мүмкін. Бізге түскендердің бәрі Қазақстан азаматтары. Науқастар 20 жастан 40 жасқа дейінгі кісілер», – дейді Алматы қалалық жедел шұғыл көмек көрсету ауруханасының дәрігері Оңласын Төлегенұлы.