Трамп әлеуметтік желіде Путинге арнап жазба қалдырды, деп хабарлайды Caravan.kz медиа порталы.
Жазбасының мағынасы соғысты тоқтату және Ресейге қарым-қатынасы төңірегінде болды.
«Менің Ресейге зиян келтіргім келмейді. Мен орыс халқын жақсы көремін және президент Путинмен үнемі жақсы қатынаста болдым. Бұл тіпті радикалдардың «Ресей, Ресей, Ресей» деп ұрандатқанына қарамастан солай болды.
Біз Ресейдің Екінші жаһан соғысында 60 млн адамын жоғалта отырып бізге соғысты жеңуге көмектескенін ұмытпауға тиіспіз. Осының барлығын ескере отырып, мен экономикасы құлдырап бара жатқан Ресейге және президент Путинге үлкен ұсыныс жасағым келеді. Дәп қазір келісім бастаңдар да, мына бір мағынасыз соғысты аяқтаңдар! Бұл тек ушыға бермек.
Егер біз жақын аралықта «келісім» жасай алмасақ, онда менің Ресейдің АҚШ-қа және өзге елдерге шығаратын тауарларына жоғары баж салығы, жоғары тариф енгізіп, санкция салуымнан басқа амалым қалмайды. Мен президент болсам, бұл соғыс болмас еді. Бұл соғысты аяқтайық. Біз оны жеңіл немесе қиын жолмен іске асыра аламыз. Жеңіл жол қашанда тиімді. «Келісім жасар» сәт келді. Енді ешбір өмір үзілмеуі тиіс», — деді ол.
